بيت الرعب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

بيت الرعب

بيت رعب الشبح مازن
 
الرئيسيةأحدث الصورالتسجيلدخول

 

 نكت مصرية مش اى كلام

اذهب الى الأسفل 
كاتب الموضوعرسالة
boss
Admin
boss


المساهمات : 111
تاريخ التسجيل : 26/07/2008
العمر : 44

نكت مصرية مش اى كلام Empty
مُساهمةموضوع: نكت مصرية مش اى كلام   نكت مصرية مش اى كلام Icon_minitimeالإثنين أغسطس 18, 2008 11:22 pm

مره واحد جاب لممته دواء يخليها ترجع 20 سنه وره فتانى يوم راح لها و قال (ايه الحلاوه دى و مين العيل الصغير ده )قالت ( يانهارى أصل أبوك شرب الدواه كله


مره واحد اتصل بصاحبه فى التليفون.... ورد عليه ابنه الصغير بصوت واطى: الو بابا فين يا حبيبى... رد عليه: مشغول يا عمو.... طيب ماما فين: قاله ماما كمان مشغوله. يا عمو.... قاله: طيب مشغولين فى ايه يا حبيبى... مع البوليس يا عمو.... وبيعمل ايه البوليس عندكم...... اصلى مستخبى منهم وبيدوروا عليا



مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ



المدرس : يعيش السمك فى الماء... التلاميذ:يعيش يعيش يعيش



واحد ماشي في الشارع قابله واحد تاني شكله مش على بعضه قاله: لو سمحت من فضلك قلعني الجاكتة
نعم؟!
قلعني الجاكتة بسرعة
حاضر..حاضر وراح مقلعه الجاكتة
لو سمحت بقه فكلي زراير القميص
لاااا دانت زّودتها اوي..كده تاخد برد يقلب بنزلة شعبية حادة تاخد أجلك
من فضلك فكها..بسرعة ارجوك
ُافففف..وادي زراير القميص خلاص فكتها..دا كان يوم إيه المهبب ده, ها أي اوامر تانية؟
أيوه قلعني بقه القميص
يا سيدي عييب..مايصحش كده, دإحنا فى الشارع خللي عندك دم
أرجوك..أرجوك بسرعة..مافيش وقت
دي وقعت إيه المهببه دي, أنا كان إيه إللي جابني من الشارع ده..وادي القميص ..هاااا..إيه تاني!!
إرسملي على ظهري خطوط بالطول وخطوط بالعرض
حسبي الله و نعم الوكيل..إنت مجنون ياراجل أنت؟؟!
من فضلك..أرجوك
رسمتلك زفت بالطول وزفت بالعرض
رقملي بقه المربعات إللي إتكونت على ظهري بالأرقام من 1 إلي 40
يا صبر أيوووب..بقه إنت معطلني كل ده علشان تلعبني سيجه على قفاك؟! بسرعة لو سمحت..أرجوك رقمهم..من فضلك مش قادر أديني رقمتهم.. لو سمحت بقى أهرشلي في المربع رقم 33




واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه الأكل تجمع الذباب عليه فقال للجرسون: بتقولو حاربنا الذباب وطلع كل الذبابا ده منين الجرسون: احنا حاربنا الذباب بس هو فاز علينا



واحد قاعد في خمارة لقى اتنين مساطيل بيكلموا بعض
- انت ساكن فين
- في مدينة نصر
- معقولة؟ وانا كمان .. فين في مدينة نصر؟
- في المنطقة الأولى شارع النصر
- الله وأنا كمان، في عمارة كام؟
- شقة 35
- لأ مش ممكن ، وانا كمان
الراجل هيتجنن، سأل الجرسون ايه الحكاية؟
- متاخدش ف بالك دول واحد وأبوه بيسكروا هنا كل يوم




واحد حرامى دخل بيت واحدة عجوزة فلما حست بية رفع عليها السكينة

وقالها حاجة من الاثنين ياابوسك ياتاكلى مهلبية

قالتلوة هو انا فيا سنان للمهلبية




كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام

ابوسريع علي ابو ابوسريع انهم يروحوا يفسحوا الواد في البحر الاحمر جهزوا لوازم الرحلة واستغرقت الرحلة 15سنة

ذهاب.. وصلوا علي البحر وفرشوا علشان يأكلوا وفجأة صرخت ام ابوسريع "تصدق يابو ابوسريع نسينا اهم حاجة

نسينا الملاحة عشان الاكل .اخطف رجلك وروح البلد هاتها .."صرخ ابو ابوسريع وقال لسه هاروح 15سنة رايح و15 سنة

جاي يكون الاكل برد الأحسن نبعت الواد ابوسريع خفيف ولسه صغير.."ونادوا ابوسريع وقالولهه وبعتوه يجيب الملاحة

ومرت السنين...حوالى40 سنة وابوسريع مجاش، السلاحف بدأت تقلق فقالت ام ابوسريع احسن ناكل بدل ماالاكل يبرد

ولمايجي ابوسريع نعمله اكل ثاني "فجاة خرج ابوسريع من ورا شجرة وقال يعني لو كنت رحت كنتم كلتم من غيري





مرة واحد اسمة عزوز راح اشتغل عند ميكانيكى صبى صغير .فى يوم قال عزوز لصاحب الورشة انا اعرف رئيس الحى

صاحب الورشة مصدقوش ولكن بعد يومين فعلا مر من قدام الورشة رئيس الحى وسلم على عزوز سلام حار صاحب الورشة

عجب بعزوز وشغلة اسطى فى الورشة وبعد يومين عزوز قال لصاحب الورشة انا اعرف الوزير قال لة لا ديا صعبة جدا

وفعلا بعد يومين مر الوزير من قدام الورشة وسلم على عزوز ...صاحب الورشة اتجنن وقال لعزوز يابنى انا هجوزك بنتى

وتمسك الورشة مكانى... وبعد يومين قال عزوز لصاحب الورشة انا اعرف بوش ولكن صاحب الورشة المرة ديا قال

لعزوز بلاش تهتش على ديا واسعة قوى ..عزوز قاله تعال نسافر وانا هعرفك وفعلا سافروا امريكا ووقفوا امام البيت

الابيض وعزوز قال لصاحب الورشة بص على الشباك الابيض الى فوق ده ..هطلع كمان شوية انا وبوش ونقول لك

هاى وفعلا عزوز طلع هو وبوش بعد خمس دقائق الراجل صاحب الورشة اغمى علية وراح المستشفى . ولما فاق

عزوز بيسألة انت اغمى عليك علشان شفتنى انا وبوش .صاحب الورشة قال لا يابنى انا اغمى علية علشان انت

والريس وافقين فى الشباك عدا من قدامى اثنين امريكان بيسألونى من الى واقف جنب عزوز ده





كان فيه ولد كل يوم يروح عند محل الكيك ويقول للطباخ عندكم كيكة طماطم ؟

ويقوله الطباخ : " لا "

و فى اليوم اللى بعده يروح يسأل نفس السؤال عندكم كيكة طماطم ؟

و يقوله الطباخ لا

في الأخر ارف منه الطباخ وقال خليني أعمله كيكة طماطم وارتاح منه !

ولما جاء الولد وسأله نفس السؤال .. قال له الطباخ : " نعم .. عندنا كيكة طماطم "

رد عليه الولد وقال :" يععععععع .. انتو ازاي بتكلوها؟؟؟؟








اب كسلان بيقول لابنه كسلان اوم افتح الباب لامك

قاله: ماتروح تفتحلها انت مش دي تبقى مراتك

قال الاب اوم يا ابني دي امك

قال الابن: وتبقي برده مراتك اوم انت افتحلها

طب هي طالق اوم بقي افتح






سائق تاكسى مصرى يعمل فى نيويوك ركب معه مواطن أمريكى

الأمريكى:أريد الزهاب إلى المطار فورا الطائرة سوف تطير بعد دقائق

السائق المصرى : فى خدمتك حالا سنصل إلى المطار

انطلق السائق المصرى بأقصى سرعه , عند أول تقاطع كانت الإشارة حمراء لكنه لم يتوقف و تخطى التقاطع

صرخ الأمريكى : ما هذا ؟

رد السائق : لا تقلق السائق المصرى أمهر السائقين

عند التقاطع الآخر كانت الإشارة حمراء و انطلق السائق بأقصى سرعة

صرخ فيه الأمريكى : ماذا تفعل هل أنت مجنون ؟

رد السائق : لا تقلق السائق المصرى أمهر السائقين

عند التقاطع الثالث كانت الإشارة خضراء . فضغط السائق على الفرامل بشدة حتى توقفت السيارة

فصاح الأمريكى : ماذا بك , الإشارة خضراء ! لماذا توقفت ؟؟

رد السائق : ربما يكون هناك سائق مصرى آخر يمر فى الإتجاه العمودى .







واحدة حامل فى ثلاث توائم

يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب

وطلع الطفل الثانى لقاح زى أخوه قعد يضربه لما فاق وركنه

جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس

الممرضة جت تكمل لقت الطفل الثالث طالع براسه بالراحة وبيسألها

هو الراجل اللى بيضرب العيال مشى ولا لسة




حلاق وابنة بيتفرجوا علي ماتش كورة فالولد سمع المعلق بيقول (وشاطها
بمشط رجله وجات في المقص وجووووووووووووون) راح الولد لابوة وقاله الحق
يا بابا دول باينلهم بيلعبوا في العدة






مرة تلاتة مصاصين دماء دخلوا قهوة اتنين طلبوا كبيتين دم و واحد طلب كباية ماية سخنه ليههه
عشان معاة دم فتلة




نساء العالم اتحدن وقررن انهم مش هيعملوا أي حاجة من واجبات البيت.... وبعد اسبوع اتقابلوا
عشان يعرفوا النتايج
الزوجة الفرنسية: انا قلت لجوزي ميشيل انا مش هعمل حاجة في البيت الاسبوع ده كله
وقالت أول يوم ما شفتش حاجة وتاني يوم ما شفتش حاجة وتالت يوم بدأ يغسل ويمسح وقالي انتي بتتعبي خالص يا مراتي يا حبيبتي
الزوجة الانجليزية: انا قلت لجوزي انا مش هعمل حاجة خالص في البيت الاسبوع ده اول يوم ما شفتش حاجة... تاني يوم بدأ يعمل الاكل تالت يوم غدانى وعشانى بره
الزوجة المصرية: انا قلت لابو العيال انا مش هعمل حاجة في البيت الاسبوع ده اول يوم ما شفتش حاجة تاني يوم ما شفتش حاجة... ثالت يوم ابتديت أشوف شوية بعيني الشمال






اتنين مساطيل واحد سأل التاني هو النهارده السبت و لا الحد ؟؟ قاله
الاتنين قاله ماشاء الله هما بقو سوا





واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين





هريدي وقناوي راحوا السينما فهريدي بيقول لقناوى الحصان ده حيجع فى الحفرة دلوقتى فقناوى راح
اقايله لامش حيقع راح اقايله لاهيقع اتفقوا لو الحصان وقع في الحفره قناوى هيدي لهريدى 10 جنيه ولو موقعش هريدى هيدى لقناوى 10 جنيه فا الحصان وقع فى الحفرة فجناوى اعطى لهريدى 10 جنيه فلما طلعوا من السينما هريدى قال لجناوى انا سمعت الفيلم ده كتير جبل كده فجناوى قاله وانا كمان بس انا قولت ان الحصان هياخد باله المرة دى ومش هيجع فى الحفرة



واحد صاحب مزرعة فراخ محمل العربية فراخ و سايق وقفته لجنة و
سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح و البلد مش لاقية تاكل؟؟".
و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة و تسمم الناس؟".
الراجل مكمل ع الطريق وقفته لجنة، الظابط سأل له "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي عايزاه"





مرة واحد صعيدى حب انه يعمل زى العلما الكبار زى اينشطاين ونيوتن وايدسون
فقال لازم يعمل تجربة زيهم
فجاب ضفدعة
وقطع رجلها الأولى وقالها اقفزى فنطت
جابها مرة تانية وقطع رجليها التانيه وقالها اقفزى فنطت
جابها مرة تالته وقطع رجليها التالته وقالها اقفزى فنطت
جابها مرة رابعة وقطع رجليه الرابعة وقالها اقفزى فمش رضيت تنط اقفزى مش راضية اقفزى مش راضية
فقال ملحوظة:

"عند قطع ارجل الضفدعة الأربعة فإنها تفقد حاسة السمع




مره المانيا مخترعه جهاز لكشف الكذب فجابوا واحد امريكي فقال احنا فكرنا نطلع القمر وطلعنا واحنا
فكرنا نعيش فوق الشمس وعيشنا فالجهاز رن
فجابوا واحد ياباني وقال احنا فكرنا نبقي من الدول الصناعيه في العالم وبقينا واحنا فكرنا نعيش تحت الماي وعيشنا راح الجهاز رن
فجابوا الصعيدي فقال احنا فكرنا راح الجهاز رن




مرة كان واحد ماشى بسيارة لقى لفته مكتوب عليها خفف 70 مشى على 70كليوبعد شويه
لقى مكتوب خفف 7كليو مشى على 7 كليو بعد شويه لقى مرحبا بيكم فى خفف




واحد بيقول لمراته تصدقى جارنا بيقول انه خان مراته مع ستات العمارة كلهم الا واحدة بس؟ قالت له اكيد الولية الرخمة اللى فى الدور الرابع






مرة واحدة صحت من النوم الفجر ملقتش جوزها جنبها.. لبست الروب وقعدت تدور عليه لقته قاعد فى المطبخ وحاطط فنجان قهوه قدامه ومستغرق فى التفكير لاحظت دموع نازلة من عينيه سألته ايه الموضوع ؟ قاعد لوحدك ليه فى نص الليل؟؟؟
قالها فاكرة لما اتواعدنا من عشرين سنة ؟؟؟ قالتله اه فاكرة قالها: فاكرة لما شافنا أبوكي واحنا في العربية؟؟؟ قالتله: آه فاكرة قالها: فاكرة لما حط مسدسه في وشي وقالي يا تتجوزها يا اسجنك عشرين سنة؟؟؟ قالتله: آه فاكرة
نزلت الدموع من عينه وقالها: لو كنت دخلت السجن كنت خرجت النهاردة
الرجوع الى أعلى الصفحة اذهب الى الأسفل
https://mazona.yoo7.com
 
نكت مصرية مش اى كلام
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
بيت الرعب :: نكت-
انتقل الى: